Gedigte

Te bang

Sy lê in haar bed,

Te bang om haar oë toe te maak.

Te bang dat die spoke van die verlede haar gaan verjaag

Te bang vir die geheime en mense wa in haar drome verskyn,

sonder ophou -

sonder aan hou.

Te bang vir die wel bekende stemme wat haar kraak,

en dan weer pleister met gebede.

Te bang vir die seer wat saam met die nag en koue haar bekruip.

********************

Die son en maan

Die son brand die siel

Die maan gee hoop

Die son wys die menslike imperfeksie

Die maan wys die Godelike perfeksie

Die son wys die grysheid

Die maan wys dit swart en wit

Die lig is haatlik

Die donker is lieflik

Die son is allerdaags

Die maan is romanties

Die son wys die vuilheid

Die maan wys die beeldskoonheid

Die son brand die siel

Die maan gee hoop

en die skemer kondig die nuus aan

********************

Sy dra 'n masker

Sy dra 'n masker,

  want sy is nie lus

vir die wêreld se 

vrae, groot-oog-kyke,

jammerte drukkies.

Sy dra 'n masker,

omdat die EEN dag

wat sy haar masker vergeet,

maak almal dit oor hul

of niemand gun haar 

privaatheid...

almal push...

unil she is broken even more.,.

Sy dra 'n masker,

omdat sy weet

niemand

verstaan hoe haar

kop voel nie.

Sy dra 'n masker.

********************

Die struggle

Ek slaap met 'n teddiebeer

om die monsters 

onder my bed 

te veg.

Ek dink aan diep dinge,

want die prentjies

     in my kop

raak te dikwels 

   te erg.

Ek probeer dinge uit kry,

deur te praat,

maar te dikwels bly dinge agter.

Ek skryf,

    want dit voel dan eers

     of mense

my

     nood

             KREET

                        hoor.

********************

Sy- die beste persoon in die wêreld (vir Chanté)

 

Sy is groot en sterk,

en vat wat na haar kant toe kom

soos ‘n man op steroids.

 

Maar op ‘n aand

dan raak als net bietjie

te veel,

dan word gedagtes en gevoelens

liriekes en note.

 

Onder haar sterk wees vir lank

is daar ‘n sagtigheidjie wat besluit:

genoeg is genoeg.

Jy moenie haar push nie,

jy sal sleg tweede kom.

 

Sy is ‘n baie lojale mens

maar as sy eers tot ‘n punt is

om nie meer om te gee nie,

het jy

die beste persoon in die wêreld

verloor.

********************

Dit het als begin by 'n wals

Saam het ons gewals.

Saam het ons huis toe geloop.

Saam het ons vir mekaar geval.

Jy wou my soen 

en dis al wat

ek wou hê

Saam baklei ons 

teen die omstandighede

wat ons uit mekaar wil dryf.

Saam baljaar ons in droomland

tot dagbreek.

Dan bly die geluk speel

soos 'n kaset,

oor en oor en oor,

tot ons weer ontmoet.

********************

Die hart se edelstene

Die prentjie van jou in die kar,

Die opgewondenheid terwyl jy my rondwys,

Die gestry oor wanneer die son die mooiste is,

Die gemaklikheid en gelukkigheid van jou op die plaas,

dit alles is die energie wat my ratte laat draai,

die dryfkrag in my pen.

Want jy sing 'n onbekende liedjie,

wat ek met oorgawe saam sin.

Te passievol en volwasse is ons

vir die wêreld om te verstaan.

Jy dra my hart in jou hande,

soos 'n edelgesteente.

Jy vou my klein handjie toe

in jou groot hande,

asof jy wil sê:

dis hoe jy my wil beskerm.

Jy behandel my met geduld...

en dikwels bid ek dat

jỳ nie my verbeelding is nie.

Jou glimlag is soos die nagtelike hemel,

só pragtig, maar só heimsinnig.

Dis daardie selfde glimlag

wat verraai 

dat jỳ

altyd

gedroom het van

iets soos ons.

********************

Dis hier waar ek hoort

Daar waar diere net so geliefde is soos mense.
Daar waar mense nie onder mekaar se voete is nie.
Daar waar net liefde uitgedeel word.
Daar waar baklei nie 'n opsie is nie.
Daar waar aanvaarding & liefde al is, wat gegee word.
Daar waar 'n helpende hand met 'n glimlag ontvang word.
Dis daar waar my hart lê.

Hier waar ons net lief is vir mekaar.
Hier waar vrede in die atmosfeer lewe.
Hier waar koffie op 'n gas plaat gemaak word.
Hier waar tee 'n vreemde ding is.
Dis hier waar my hart lê.

Dis hier waar ek hoort.

****************************

Rosie op die graf

O, rosie op die graf
vertel hom-
ons verlang.
Rosie op die graf
vertel hom-
jy is daar uit respek & verlange.

O, rosie op die graf
mag jy vergaan soos hy
dat ons elke week
jou vervang,
'n nuwe blomme krans vir sy hoof.
O, rosie
tot ons eendag
te besig word
en vergeet
en saam leef met die holte in ons hart,

en vrede maak

dat die son een minder sonstraal het.

********************

Langpad-liefde

En so durf ek

die langpad huis toe.

My gedagtes staan op een plek stil,

terwyl die kilometers verby dans.

Wanneer sien ek jou weer?

Wanneer kan ek weer die langpad vir jou durf?

Ek wil jou sien glimlag,

en die seer weg soen.

Ek wil sorg dat jou magie vol is,

en jy okay is.

********************

Wortels van 'n verhouding

My gedagtes gesels vannaand

met die vlak verlange

na 'n man wat baie kosbaar is.

My liefde dieper as

'n boom se wortels.

Maar hy is vêr buite

die sienende oog.

Ons siele baljaar

in die skadu van 'n ou kasteel. 

Ons hande soek na bekende kurwes,

en ons lywe smag na mekaar.

Ons voete bereid om afstande af te lê,

maar omstandighede verhoed dit.

Al wat ons oor het is:

vertroue in mekaar

opbouende liefde

aanvaarding vir mekaar

God se hand in ons verhouding

aanhoudende gebede

geloof.

********************

'n Bitter eensaamheid

Die waardering van eensaamheid 

ontvou my vanaand met oorgawe.

Die windjie koel die dorre aarde

 en sy beeldskone natuur, 

stelselmatig af.

Met 'n skerp wind wat

ongelukkigheid, 

verlange en 

'n bitter eensaamheid

met valse wolke bring.

Want my hart is swaar

en die verlange diep

en die hart is baie ver van die huis.

********************

Dad se liefde

Dad se liefde is soos 

skottelgoed, 

dit hou nooit op nie.

Soms kyk ek daarna 

en wonder: 

"hoe de hell kan daar so baie wees?" 

Ander kere raak ek gatvol 

om die teelepels te was, 

want daar is net te veel. 

Maar elke beker koffie, 

wat deur elk van daai lepels gemaak is, 

is met baie liefde gemaak. 

Elke bord nog 'n bietjie liefde, 

gegee aan almal wat daarna smag. 

Dad, is soos die kraan wat water tap, 

gee net altyd...

en al wat Dad terug kry 

is glimlagte en drukkies 

en Dad is dood tevrede daarmee. 

Ek dink dis daaroor dat 

ons nooit die buite hek sluit nie

en die kombuis deur altyd oop is, 

want elke ongenooide is welkom...

********************

Die boek wat nog nie geskryf is nie

Die boek wat nog nie geskryf is nie,

het geen emosie,

Hy wys geen gevoelens.

Maar hy is vriendelik,

en hy probeer 'n goedhartige mens wees.

Sielkunde interesseer hom

en hy weet nie al dag wat om

met mense se misterie te doen,

sodra hy dit "uitgefigure" het nie.

Hulle sê: "Fisiese voorkoms kan verleidend wees",

dis baie waar met hom.

Hy lyk na 'n baie moody mens,

en eintlik probeer hy net 

menswees sonder gevoelens & emosies

In sy jongdae het hy sy tuin verniel,

sonder om die waarde daarvan in ag te neem.

Nou...

Nou probeer hy die onvrugbare grond

weer vrugbaar werk.

'n Bewys dat hy besef om alles te verbrand,

was nie die beste idee nie.

********************

Meisiekind

Groot meisie...

Sterk meisie...

Glimlag so helder,

maar flous so baie.

Mooi meisie...

Sterk meisie...

Dag na dag

   stap jy

van straat na straat

  en niemand

maar niemand

sien die pynlike,

swaar seer

wat jy saam

   dra nie

Sterk meisie...

Seer meisie...

Soms moet jy erken

als is nie okay.

Dit is okay om

die wêreld jou swakheid

te wys.

Seer meisie...

Dapper meisie...

Gaan huil op iemand se skouer,

want selfs jy is ook net mens.